Shillong, Nailur 04: Ki nongialam jong ka party BJP Mawlai Mandal kila leit ban ia kynduh ia u Director Distribution ka MeECL bad ai ia ka dorkhas hakaba ia dei bad ka jinglip light khah khah ha shnong Mawlai, Lum Mawnei.
Ia kane ka jingleit ia kynduh la lam khmat da u President Synshar Maiong ha ka jingiadon lang kiwei ki dkhot ka party BJP, ka party kala leit ruh ban kynduh ia u Area Manager ka MeECL Mawlai Nongkwar ban ia kren ia ka jingeh ki paidbah.
Ka BJP Mawlai Unit ka kyntu ia ka MeECL ban ai kawei ka kali ia kiba trei ha Mawlai ba kin lah ban iabeh ban maramot ia ka jingduh light bad kane kan iarap ba kin ia beh ia ka kam bad ban pyndep ha ka pork aba biang.
Ha kane ka jingiakynduh na ka liang jong u Director Distribution ka MeECL u la ai ka jingkular ba na ka liang jong ka ophis kan sa peit bniah ia kane ka jingeh ki paidbah nongshong ka Mawlai Lum Mawnei.
