Shillong, Nailur 06: Ka Meghalaya Bharat Scouts and Guides, Shillong kala pynlong ia ka jingiamir jingmut halor ka “National Level Integrated Workshop on Mission Life” bad kumno ban iada ia lade, ia kane ka jingialang kaba san sngi la sdang ha ka 01/Nailur/2026 bad la pynkut ha ka sngi Saitjian.
Kiba la wan ban ia shim bynta ha kane ka jingialang kaba san sngi ki don 70 ngut na kylleng ka Ri India, ka phang pdeng jong kane ka jingialang ka long ba kumno ban iada ha kaneka jingjuk jong ka jingialeh bad ban pynneh ia ka mariang.
Ka jingiakren ka long ba kumno ban ialeh ban pynneh pynsah ia ka mariang na duh ki bor sorkar kiba ha khlieh duh ban wanrah ia ki polisi bad kane kan poi sha ki briew kiba don ha ki shnong ki thaw bad ba shimet shimet ban don ia ka jingkit khlieh.
U bah S. Syiem u heh ophisar ka tnad Pollution la ong ba don kam ban wanrah ia ka jingkylla ban pynneh pynsah ia ka mariang ha kane ka po jong ka jingkylla ka suin bneng, ka jingduna ki tyllong um bad ka jingbret pathar ia ki plastik.
La kyntu ia kiba wan ia shim bynta ha kane ka jingialang ba kin sdang na lade kumno ban ialeh ban iada ia ka mariang bad da ki nuksa kaba ki pyni kan khring ia kiwei ban pynneh pynsah ia ka mariang da ki kam kiba man ka sngi.
