New Delhi, Nailur, 16: Ha ka jngbteng ban teh lakam iaka jingkhaii beain ia ki kynja jingdih pyn buiad, ka Directorate of Revenue Intelligence (DRI), kala ioh kurup iaki nong khaii drok ba shyrkhei ha kane ka jylla jong ka thain lam mihngi, kaba la pynlong ban lap ia u kynja drok ba ka tip kum u methamphetamine ha kane ka thain.
La lap ba kila khaii beain ha ki surok da kaba buh dor da ki spah klur tyngka. Katei ka kynhun ba kem iaki nongkhaii drok kala peitngor bha pynbiang pahara ha kk katto katne ki jaka bad kyntoit, ha kaba kila ioh kurup bun une u drok methamphetamine.
Na ka liang jong ka DRI, ki heh nongtrei kila ioh kem saw tylli ki trok na ki katto katne ki jaka ha Assam bad Tripura ha ka 15/Nailur/2026, ha kaba la suba ba la thmu ban kit ia une u drok methamphetamine uba bun bha.
Ha ka 15/Nailur/26, ha ka jing leit khynra kaba nyngkong, kawei na ki trok ba la suba, la tip ba la phah sha Ramnathpur, Assam, ba jngai kumba 100 km na Silchar, lem bad ka jingiarap jong ka 38 Battalion, Assam Rifles. Hadien katei, ka jingsuba ba ar ka long ba ka trok kaba la kit ia ujuh u drok, la lap najan katei ka jaka. Hynrei hapoh katei ka kali ym don nongniah lane u handyman.
Katba ha ka trok ba nyngkong, la ioh kurup haduh 275 tylli ki paket kiba khia 55 kg baroh, kiba don iaki dawai ba lam rong pink bad rong soh, kiba la buhrieh halor ka tnum jong ka jaka ba shong u nongniah.
Hynrei la bynrap ba ha katei ka trok ba ar kaba don kine ki 271 tylli ki paket drok, ki don kijuh ki rong kum kine ki song dawai, ba khia 54.2 kg kiba la buhrieh ha kajuh ka jaka. La khein lang baroh ka jingkhia ka long 109.2 kg une u song dawai methamphetamine, ha kaba la lap bad kem ar tylli ki kali kiba hap hapoh ka jingpeit jong ka NDPS Act bad la kem noh ia uwei.
Kumta, kum shi bynta jong kane kajuh ka jingkhynra, sa kawei pat ka kali ba kit dewbilat, la lap ba kala iaid na Khowai sha Agartala bad shah bat noh ha Teliamura, kaba jngai kumba 45 km na Agartala, lem bad ka jingiarap jong ka28 Battalion, Assam Rifles.
La ioh kurup haduh 295 ki plastik paket kiba don iaki song dawai ba khia 72.6 kg ba rong pink bad rong soh kiba suba ba dei u drok methamphetamine, kiba la buhrieh halor ka sad jong ka jaka u nongniah kane ka trok bad la bat noh ia kane ka kali bad kem ia u nongniah.
Haba bud ia kane ka jingtohkit, la lap ha ka por ba khynra bad la shimkhia hangto da ki nongtrei jong ka DRI kiba la lap ia kawei ka trok kaba dei ujuh u trai ka don hajan Panisagar, Tripura. Haba la khynra ia kanenka trok, la lap haduh 50 kg ki song dawai methamphetamine, kumjuh ruh kiba ka buhrieh hapoh kane ka kali bad la bat noh ia kane ka kali bad kem noh ia u nongniah.
Ka jingiatreilang jong ka kynhun DRI kala pynlong ban lap iaki song jong u drok methamphetamine ba khia haduh 231.8 kg bad la kem lai ngut. Baroh saw tylli ki trok kiba ju kit ia une u drok, la dep bat noh.
Ha u bnai ba la dep mynta u snem, ka kynhun DRI ha ka jingleit khynra jong ka, kala ioh kurup ia u drok methamphetamine najan Silchar bad Mizoram ba khia haduh 76 kilo, kiba la buhrieh ha kine ki kali ha ki jaka bapher bapher.
