New Delhi, Rymphang 20: Ka sorkar pdeng kan sa leit ban mudui sha ka iing bishar ba ha khlieh duh jong ka Ri India ha kaba ia dei bad ka jingshah pyniap jong u Rajiv Gandhi myntri rangbah duh ba rim jong ka Ri, ong ka khubor kaba la pynlait na ka ophis jong u myntri rangbah duh jong ka Ri.
Haba ia dei bad kane na ka liang jong ka sorkar pdeng ka la pyntip sha ka sorkar Tamil Nadu, ba ka jingthmu ka jong Kathie ka sorkar jylla ban pynlait noh ia ki nongpyniap ia u myntri rangbah duh ba rim jong ka Ri ka long beain bad kam dei ban leh.
Ha kane ka jingpynlait khubor na ka ophis jong u mytnri rangbahduh jong ka Ri ka ong ba ka jingpyniap ia u Rajiv Gandhi ka dei ka jinghiar thma ia ka dohnud jong ka Ri India. Lada pynlait noh ia ki nongpyniap ia u nongialam jong ka ri bad ia kiba bun ki mynsiem kiba la duh ha katei ka jingjia kan long pyrshah ia ka hok ki paidbah.
Kan myn don kano kano ka sorkar ne ki seng sain pyrthei kiban ia shah ne ban shu peit kai ha ka jingiakhun pyrshah ia ki kam lehnoh.(SP News)
