Shillong, Risaw 16: U Dr David Lyngdoh mynta ka sngi u la ioh ban pyllait paidbah iaka kot kaba u la thoh hi dalade kaba la ai kyrteng “The Security of Khasi Jaintia & Garo People”, kaba mut ka Jingshñiang jong ki paid Khasi Jaintia bad ki Garo.
Hakane ka kot la thoh iaki lynnong kot shaphang ka ILP, ka Sixth Schedule, ka Eight Schedule, Article 371 bad kiwei kiwei ki lynnong kot kiba kongsan ban sam lem sha ki samla pule bad sha ki riew ieid pule kot.
Hakane ka jing pyllait iaka Kot The Security of Khasi Jaintia & Garo People la pyllait paidbah da u Parish Priest ka Umsning Parish u Fr Pius Shadap haka jingiadonlang u Dr David Lyngdoh ka Principal jong ka Skul St Michael Higher Secondary School Umsning ka Sister Aidalin Sohklet u Chairmam ka Umsning Town Dorbar u Bah Rocky Kylla ka President jong ka RAWA ka kong Balakyntiew Umbah u President ka CORP u Bah Pateng Myrsing u Bah AD G kharbani ki ba haing ha sem jong u Dr David Lyngdoh lem bad ki nongshah khot sngewbha hakane ka sngi.
Haba ai jingkren naka liang u Dr David Lyngdoh u la ong ba ka jingthoh iaka kot kam dei kaba suk namar ka shim por kumba 3,4 snem ba hap pyn wandur bha iaki kyntien hashwa ban thoh, bad u la ong ruh dei lyngba ka jingialam lynti jong u Late Fr Francis Kharwanlang.
U Dr David Lyngdoh ba kumno ban thoh kot bad ban pyn wandur iaki kyntien bad u la ong dei lyngba ka jingbtin lynti jong u Fr Francis Kharwanlang ba u la ioh ban pyndep ban thoh iakane ka kot bad ban ioh pyllait paidbah syndon mynta ka sngi.
Bad shuh shuh u la ong ruh ba u dang pynkreh sah kawei pat ka kot kaba dei jong ki samla watkam wat jam haka Competitive Examination khnang ba ki samla watkam watjam kin ioh ban pule iakane ka kot ka ban long kum ka jingiarap naka bynta ka jong ki haka por ba ki iakhun iaka Exam UPSC, MPSC bad napoh ka DSC.
