Ka FKJGP kam lah ban pdiang bym don pisa ban pyntreikam ia ka MRSSA 2016

Shillong, Naiwieng 18: Mynta ka sngi 18/Naiwieng/2026 ka seng Federation Khasi Jaintia and Garo People kila leit ban ia kynduh ia u Deputy Commissioner ka East Khasi Hills District ban sngewthuh ha kaba iadei bad ka jingpyntreikam ia ka ain Meghalaya Resident Safety and Security Act 2016.

U bah Dundee Cliff Khongsit President ka FKJGP haba kren ha ki lat pathai khubor hadien ka jingiakynduh bad u Deputy Commissioner u la ong ba ka jubab kaba ki ioh ka long ba ym lah ban pyntreikam ia kane ka ain namar kam don ka pisa, kam don ka Computer.

U President ka FKJGP u la ong ba kane ka ain kala don bad mynta na ka liang ki dorbar shnong kila suk ban pyntreikam ban buh jingthoh ia ki kyrteng jong ki nongshong shnong ha ka register jong ka shnong, u la ong mynshuwa ki dorbar shnong ki shem jingeh namar ba kam don ka ain hynrei mynta ka ain kala don.

Kum ki seng bhalang haba ki leit kyndang ia kiwei ki jait bynriew kiba don ha kylleng kane ka ri Khasi Jaintia kum ki seng bhalang ki sngewthuh ia ka jingsngewkhia hynrei ka ain kam don kaba ki dorbar shnong ki pynsngew hynrei mynta haba la don ia ka ain pyntrei kein ia kan ban peit ka long kumno ban shu ong ba phim pat biang ki kor ki bor ka dei ka bym lah ban pyntreikam na ka liang ka seng kala ong haba ym pat don kita ki kor ki bor pyndonkam da ka register ban thoh ia ka kyrteng jong ki briew.

 

What Next?

Recent Articles

Leave a Reply

Submit Comment

*