Rai pynrem ka iingbishar ia u Lucky nongkhaii drok ban set phatok 6 snem

Shillong, Naiwieng,18: Ka ophis jong u Superintendent ki pulit, East Khasi Hills, Shillong, kala iathuh ba kila ioh ia ka jingtip ha kaba iadei bad ka jingjia ha ka 2/Naitung/2019, ha kaba la ioh jingtip ba u Lucky Chakraborty u dei uba la shah suba ba u khaii ia u drok heroin.

Halor katei ka jingoh jingtip, la dep pynlong iaka jingkhynra hapoh iingsah jong u bad ia une uba shah kynnoh. Ha katei ka jingkhynra, la ioh kurup san tylli ki tin golden bad lao tylli ki song sabon kiba don ia u powder ba lam rong stem bad rong soh. Ha ka jingleh iaka examination, la lap ba utei u jait jingdih pynbuaid dei u drok heroin, ba khia 39.95 gram.

Halor katei, la dep registar da ka ejahar ha thanad jong ka Madanrting Case No. 96(07)2019 u/s 21(b) NDPS Act bad ia une uba shah kynnoh, la kem noh ia u Lucky Chakraborty. Hadien ba la dep ka jingtohkit, u pulit ba tohkit, u la dep registar da ka Charge Sheet vide CS No. 43/2019 Dated 16/09/2019 u/s 21(b) NDPS Act.

Katba ha ka 12/ Naiwieng/2026, ka kong E. Shabong, Spl. Judge (NDPS), East Khasi Hills, Shillong katkum ka jing ioh jingbthah na ka iing bishar, kata ha ka 12/Naiwieng/2026 kala pynngat ia u Lucky Chakraborty jong ka Crl.(NDPS)/80/2019 hapoh ka thanad jong ki pulit ka Madanrting Case No. 96(07)2019 u/s 21(b) NDPS Act.

La ong ba ia u Lucky, la pynngat ban set phatok ia u 6 snem lem bad ka jingshah dain kuna T. 50,000/- u/s 21(b) NDPS Act bad haba um lah ban siew iaka kuna, un shah set phatok sa kumba shi bnai. Ia katei ka mukotduma, la tohkit da u UBSI. T.M Marak uba don ha Rynjah P.S, Shillong.

What Next?

Recent Articles

Leave a Reply

Submit Comment

*