Buh mawnongrim u Lamphang ka iing dorkar thawian ban buh ia ka Academy

Shillong, Naiwieng,18: Ka Meghalaya Assembly–Cambridge MoU kala buh maw nongrim na ka bynta ka jinghikai ia ki nongthaw ain ba ialam khmat ka jylla ha kaba ia katei ka prokram, la pyniaid da u Lamphang, u Thomas A. Sangma.

Ia katei ka prokram, la pyniaid da ka MLRF Project ha ka jingiasnohkti lang bad ka Intellectual Forum, Jesus College, University of Cambridge; King’s India Institute, King’s College London bad ka LSE Consulting bad la pynkut hadien shi taiew jong ka jingiashim bynta ha ki kam pule puthi, ki jingiakren halor ki polisi bad ka jingioh jingtip shaphang ka rukom treikam jong ka Iing dorbar thawain naduh ka 7 haduh 14 tarik/Naiwieng/ 2026.

Ha katei ka prokram, la don ka jinghikai hapoh ki kamra klas, ki jingiakren halor ki polisi bad ki rukom treikam, ki jingpyrshang treikam bad ki jingiashem bad ki tnad jong ka iing dorbar thawain, kaba thmu ban pynkhlain iaka jingialam ha ka thawain bad ban kyntiew iaka bor treikam jong ki nongmihkhmat ba la jied ban lah ban pynbeit iaki jingeh ba mih ha ki kam paidbah.

Katba kaba kongsan ha kane ka prokram ka long ka jingia soi iaka Memorandum of Understanding (MoU) hapdeng ka Meghalaya Legislative Assembly bad ka University of Cambridge, ban seng iaka nongrim na ka bynta ka State Legislators Leadership Academy ba la tyrwa.

Ia kane ka Academy la pynshong nongrim kum ka shlem hikai ba hakhmat eh na ka bynta ka jingpule shaphang ki ain, ka jingwad bniah, ka jingai jingkyrshan ha ki kam treikam bad ka jingpyntbit iaki nongmihkhmat jong ki State Assembly ha kylleng ka ri India.

Kum shi bynta jong kane ka prokram, ki nongiashim bynta kila ioh kynduh iaka iingsah jong u Dr. B. R. Ambedkar bad ki iing lieh ha London, ha kaba kila dep sakhi ruh iaka jingkren ba jia shisha jong u Myntri Rangbahduh ka Ri India ba dei halor ki jingkylli.

Kiwei kiwei pat kiba iadei ki kynthup iaka jingiakren bad ka Commonwealth Parliamentary Association (CPA) halor ka rukom thaw ain bad ki kam synshar jong ka iing dorbar thawain bad ka jingpyn beit halor ki nongrim treikam bad ka mission ba kynthup iaka jingroi jingsan bad ka koit ka khiah jong ki khynnah rit.

What Next?

Recent Articles

Leave a Reply

Submit Comment

*