Shillong, Jymmang 19: Ka jingialang jong Meghalaya Pradesh Congress Committee (MPCC) ha ka jingialang kaba la long mynta ka sngi hapoh ka jingpyniaid jong u president u Bah DD Lapang kila shim ia ka rai ban kyrpad ia ka Sonia Gandhi ban kan nym hiar na ka shuki president jong ka seng.
Haba ia dei bad u Vice President jong ka seng u Rahul Gandhi kala don ka jingiakren bad kum ka jingkit khlieh ia kane ka jingshah rem jong ka seng u la dei ban hiar hynrei kiba bun ki dkhot jong ka MPCC ki kwah ban un dang neh kum u nongialam jong ka seng Congress.
Ha ka juh ka por na ka liang jong ka seng Congress ka ai khublei ia ki paidbah jong ka jylla Meghalaya kiba la ai ka jingkyrshan ban pynjop biang sa shisien ia u Bah Vincent H Pala na ka Shillong LS bad ka jingkhublei ruh ka long na ka bynta ki paidbah ka Garo Hills kiba ai ka jingkyrshan kaba rat bah ia u kyrtong ka seng u Darly William CH Momin wat la ym shym la poi sha ka thong jong ka jingjop.(SP News)
