Shillong, Jylliew 08: Ka Jaintia Students’ Union (JSU) Seng Kmie, ha ka CEC ba dang shu dep shong shen da kawei ka jingmut kala shim iaka rai ban khot noh daka Pakhang Shnong kaba haduh 12 kynta haka 12/06/13 kaban sdang naduh ka por 5 baje mynstep haduh ka por 5 baje mynmiet, kum ka dak jongka
jingsngewsih bad ka jingpynbor iaka sorkar Jylla halor ka jingle klet ban pynioh iaka Blood Bank ha Jowai kaba ka Union kala dawa da ki bun bun snem mynta.
“ Da ka jingkyrmen ngi la iaishah bad iai ap iaka sorkar ban pynioh iaka Blood bank ha jowai ia kaba ka sorkar kala kular, hynrei haduh kane ka khylliap mat ka sorkar Jylla kam don ka jingbah khlieh ban pynioh iaka LISENCE naka Sorkar Kmie lyngba ka tnad Drug & Cosmatic Department” ong u Samla Emperor bareh general secretary JSU. Ka bym lah ban long ban shu iai ap sah katba ki mynsiem ba kordor jongka
jaitbynriew jongngi ki iai duh naka por sha ka por tang namar bym don ka Blood bank bad kim ioh iaka Snam haka por baki donkam kyrkieh, bynrap shuh shuh une u nong ialam.
Ha ka jingshisha ka Blood Bank ka dei kawei naki mat bala dawa daka JSU naduh kine ki snem kiba la dep, hynrei na ka daw ka jingbym shimkhia ka Sorkar jylla, ka dang sah teng haduh mynta. Ha u snem balan dep ka JSU kala buh lai tylli ki mat jingdawa ba donkam eh ha khmat ka sorkar, ha kaba la pynioh tang artylli, kata ka jing pyntreikam iaka, Ialong Civil Hospital, bad ka jingshan thymma iaka Jowai Civil Hospital, katba ka Blood Bank ka sah tang haki jing kular.
Kat kum ka jingbud dien jongka Union halor kane ka Mat jingdawa la lap ba baroh ki tiar ki tar kiba iadei bad kane ka bynta ryngkat bad ki nongtrei naduh u Doctor, Lab- Technician, Asst lab technician, bad
kiwei kiwei kila biang lut hapoh kane ka Blood Bank kaba don ha jowai, hynrei dei tang namar ka jing bym ioh iaka Lisence, haduh mynta ym lah satia ban pyntreikam iaka.
Kumta haka jingbym ban se naka bynta ka iap ka im jongki nongshong Shnong ka JSU sa shisien ka khot daka pakhang Shnong kaba 12 kynta haka 12/ June 2014, ban pynbor iaka sorkar ban pynioh ia kane ka
jingdawa kaba donkam haduh katta katta. La kyrpad iaki paidbah ba kin ia snoh kti lang bad pyni iaka jingia tylli bad ka jiniatrei lang ha kane ka sngi. Ha ka juh ka por ka Union kala Maham ruh ba lada don
kino kino kiba ialeh pyrshah lada jia kano kano ka jingjia ba sngewsih pyrshah iaki ka seng hi kam don jingbah Khlieh. La pyllait tang iaki nongthoh & Die khubor, ki Ambulance kit nongpang. Pynkut ka kyrwoh na u General secretary JSU samla emperor Bareh.(SP News)
