Shillong, Nailur 15: Dr. Jemino Mawthoh, u dkhot jong ka iing dorbar thaw ain jong ka Meghalaya Legislative Assembly,u la pynlait paidbah saw tylli ki kot kiba dei jong ka tnad pule khasi hapoh jong ka skul bah , North-Eastern Hill University, Shillong.
Ki kot kiba ba la pynlait ki long,Ka Kylla-ktien bad ka Litereshor Khasi kaba la pynbit pynbiang da ka Prof. Badaplin War, ka nonghikai kaba la rimbha jong kane ka tand pule Khasi, ha NEHU kaba dei ruh ka Dean, jong kane ka tnad pule.
Ka Thwei Pyrkhat U H.Elias ha ka Poitri ba la thoh da u Dr. Rollingstone Wankhar, u ba hikai Khasi, hapoh jong ka St. Anthony’s College, Shillong.
Ka Kylla-ktien ha ka Litereshor Khasi – Ka jingbishar bniah ïa ki katto katne ki sawangka ba la kylla sha ka Khasi ba la thoh da ka Dr. Rosa Mystica Mawlong, kaba hikai ia ka sobjek khasi hapoh jong ka St. Edmund’s College, Shillong.
Bad kawei pat ka dei, Ki Phawar ka Jingim bala thoh da ka kong Cassandra Syiemlieh, kaba la shongthiat naka kam hikai ha ka subjek English ha, St. Edmund’s College, Shillong.