Sh
illong, Jylliew 01: U Deputy Commissioner jong ka East Khasi Hills District ha ka por 4.00 baje mynstep mynta ka ka sngi u la pynjari ia ka Curfew ha sawdong jong ki shnong kiba don jong ka Moptphran, ki shnong kiba kane ka curfew ka trei kam ki long, ka Them Iewmawlong, Umsohsun, Mawkhar, Jaiaw, Wahthapbroo, Lumdingjri, Mission Compound.
U Bah PS Dkhar Deputy Commissioner jong ka East Khasi Hills haba kren ha u SP News Agency u la ong ba la pynjari ia ka Curfew ka long ban tem ia ka jingjia kaba la jia mynmiet. Haba ia dei bad ka jingai ia ka “Lathi Chanrged” ka long kaba malu mala tang ban pynpra ia ki briew kiba ia lum.
Haba la kylli kane ka Curew kan neh katno por ei ei na ka liang jong u Deputy Commissioner u la ong ba yn dang khot ia ka jingialang shibit ban peit ia ka jinglong jingman ka pyrthei ka long kumno bad ha dien ka jingialang yn sa shim ia ka rai la dei ban weng ne ban dang pynneh. Lada kam don eiei kin sa peit katkum ka jinglong ka shongsuk shongsain.
Haba la kylli la ki bor jong ka District Administration kin thung ne em ha ka kynthun tohit halor ka jingjia ha ka miet sngi palaei, na ka liang jong u Deputy Commissioner u la ong ba ia kane ruh kin dang ia kren shibit ha ka jingialang bad u Superintendent jong ki pulit ban ia kren lang lada don kam ban thung ia ka kynhun tohkit ne kin shu pan ia ka kaiphot na ki pulit.
