Shillong, Naitung 26: Ka khasi students’Union(KSU) ka ïeng skhem beit triang ban ong em ia u uranium, bad ka long kaba shai kdar halor Kata ka nongrim, namar man kapor ka seng ka pynkynmaw bad pynsngew sha ka sorkar ban nym ai lad ban tih uranium na kano Kano ka bynta jong ka Bri u hynñiew trep.
Ka seng ka pynkynmaw ba myn haka 5tarik ïaiong 2018,kala dep ban ai da ka jingthoh sha ka sorkar jylla ban pyrshah jur ia Kano kano ka jing thmu ban tih ne ksam uranium bad ka sorkar ruh ka lah kren shai ha katei ka jingia kynduh ka long ,ba ka sorkar kan nym iaid sha khmat ia kane ka kam.Kumjuh ruh ka district council ka lah shim iaka rai ban nym shah ban tih uranium.
Ka seng ka pynkynmaw ruh ba ha u snem 2016 ka sorkar barim hapoh ka jingialam jong u Dr Mukul Sangma ka pyndam noh iaka jingiateh aiwai khyndew sha ka UCIL hapoh Mawthabah nongbah jynrin, hynrei ha pdeng Kata ym lah shuh ban sngewthuh haba ka seng kala ioh jingtip na ki riew paidbah ba ki kali ksam Uranium ki don sha mawthabah nongbah jynrin ban ksam uranium bad ha Wahkaji ki don ki nongtrei jong ka AMD.
Na ka liang jong ka seng KSU mynta ka buh ka jingkylli, ka long mano ba ai bor bad ai jingbit Ïa ka AMD bad UCIL ban ksam Uranium ha ba ka sorkar bad ka District Council ka lah kren shai ban nym shah ksam ne tih uranium.
Ka seng ka kwah ba ka sorkar ka dei ban pynshai kdar halor kane ka bynta bad kumjuh ruh ka district council, namar lada ym don ba ai bor ai jingbit kumno ka AMD bad UCIL ki leit ksam Uranium sha Mawthabah bad Nongbah Jynrin.
Lada ym don mano mano ba aibor ia ka AMD bad UCIL ka paw shai ba ki lah thom daka bor bad Kim khein snep shuh iaka sorkar jylla bad iaka District Council.Ka AMD ruh Kadei ban jubab shai kdar Naei bad Mano ba ai jingbit.
Ka seng ka kren shai kdar ba ka sorkar kadei ban hukum ia ka AMD ban sangeh ban Mih noh shisyndon na Mawthabah nongbah jynrin, lym kumta ka seng kam banse ban hiar sha Katei ka jaka ryngkat bad ki paid ka RI ban leit beh krad bad phah mih noh shisyndon ia ki nongtrei jong ka AMD bad UCIL.
Ka Sorkar ka dei kren shai kdar bad hukum kloi iaki ban mih noh na katei ka jaka ne pynkup bor haka seng ba ngin leit beh hi noh. Nang ne sha khmat ka sorkar ka dei ban pyntikna ba kan nym don shuh kano kano ka jingksam Uranium ,hynrei lym kumta ka seng kam ban banse ban pyrkhat da kumwei pat.
Shuh shuh ka seng ka lah ioh jingtip ba mynta ki don ki Kali sorkar Kiba dei ki Kali ba ju ksam uranium ki don hapoh Mawkyrwat, bad ki leh mynleh kum ki ba wan ksam um ban pynthame bad ban da rapjot iaka jingthmu ba sniew ban ksam uranium.Ka sorkar Kadei ban peitmat bad sngewthuh lada kam don ka jingia sylla napoh napoh kadei ban bthah da kaba tyngeh ban mih noh na Mawkyrwat mar mar.
Kyntang iawai ka seng ka iai ban biang ba ka sorkar Kadei ban Pynshai paidbah Mano ba ai jingbit naei ki ioh jingbit ban ksam uranium bad ha Kajuh ka por Kadei ban hukum dakaba tyngeh iaka AMD ba kam dei shuh ban mushlia Ïa u uranium.
