Shillong, Naitung 11: Ka “Meghalaya’s Got Talent 3” ba la pynbit pynbiang da ka kynhun Meghalaya Talent Search Organization ka la iaid sha khmat ia ka audition kaba la sdang na Pynursla, Mawkyrwat, Mairang bad dawki.
Ki briew kiba don sap na kitei ki saw tylli ki jaka kila ia wan sha khmat ban ia shim bynta ban sei madan ia ka sap ka phong kaba ki don. Ha kane ka jingwad iaki riew don sap ha kane ka jingiakop kiba la wan sha khmat ki long kum ha ka, put bisli, tem ksing, tem drum, , put sla ki nongshad nongrwai.
Kiba la wan ban ia shim bynta ki long naduh kiba la Ryngbah samla haduh ki hep ki barit. Kum ki nongpyniaid ki khot ki wer ia phi ki riew don sap jong ka jylla Meghalaya baroh kawei ba phin ia mih sha khmat ban pyni ia ka sap kaba phi don lyngba kane ka rynsan.
Ia kiba shah jied sha khmat yn pyni ha ki TV channels kum DD North East (Dish TV, Tata sky, Reliance, Airtel, Videocon) T7 News, YouTube ka page jong ka seng Meghalaya’s Got Talent Season 3 bad ki kot khubor. Ia ki jing tip ba kham baniah phi lah ruh ban phone ha kine number – 7630963034/8974374834/8 8258807194 /9856640762. Bad sngew bha ban peit ia ka facebook page MTSO.
