Shillong, Iaiong 26: Ki pulit jong ka jylla Meghalaya ha ka 25 tarik mynta u bnai ki la leit hiar sha ka shnong Dewsaw ha dien ba ki la ioh ia ka jingtip ba ka don ka jaka shna suloi tuh ha kane ka shnong, ha kane jingleit ki la ioh ban pynra ia kawei ka jaka shna suloi tuh.
Na ka liang jong ki pulit ki la ioh ban kem ia u bah Kasmillin Konjir 62. Bad na kane ka jaka shna suloi la ioh ban kurup ar tylli ki suloi SBBL kiba la dep shna bad kiba dang shna. Kane ka shnong ka hap hapoh jong ka Mawsynram Plice Station East Khasi Hills.(SP News)
