Shillong, Nailur 10: Nga dang pyrkhat ban pynduna ia ki nongtrei hapoh jong ka Jiantia Hills Autonomous District Council (JHADC) kab bha lada lah ban aid a ka “Voluntary Retirement Scheme” ia kito kiba la trei 15 snem shaneng.
Kumba ka long mynta ka jingdon jong ki nongtrei hapoh jong ka JHADC ki don haduh 1700 ngut bad kane ka jingbun jong ki nongtrei kala buh ia ka ophis jong ka JHADC ha ka jingeh kaba khraw ban siew ia ka tulop jong ki nongtrei kham tam ha dien ba la khang ia ka jingtih dewiong namar ka jingmih kaba bun eh dei na u dewiong.
U Bah Madonbai Rymbai ba dei CEM jong ka JHADC, u la ong ba kane ka dang dei tang ka jingpyrkhat jong u bad u la ia kren ia ki katto katne ki para MDC. Hynrei ban leh ia kane haba la peit bha ia ka “Service Rule” ka lynti kam shah. Lada leh ia kane hap ban pynkylla shuwa ia ka Service Rule.
La iathuh ba lada ka jingpyrkhat jong u, ki para MDC ruh kin ia iahp jingmut lang ki hap ban pynkylla ia ka Servie Rule da kaba wanrah hapoh ka iing dorbar bad nangta kin sa phah sha ka DC (A) ba kan pdiang ia ka lada pdiang la lah ban pyntrei kam, lem kumta ym lah ban leh ei ei, u CEM u la kren shai ba kane ka dei tang ka jingpyrkhat ka jong u.
