Shillong, Nailur 17: Ka kynhun shipai suin jong ka Ri India, ka Indian Air Force kala iarap ia ka sorkar jong ka jylla Sikkim ban pynlait im ia ki briew kiba la sah kut na ka daw jong ka jingdukut ka surok sha ki bynta ba shathi jong ka Chhaten.
Ha kane ka jingleit ban pynlait im ia ki briew kiba la sah kut ha kane ka jingdkut ka surok, la rah da ki shipai ia u briew na ka jaka ba don jingma sha ka jaka ba shngiang ki long, 128 ngut ki briew kiba don ha ki kam iada Ri bad 40 ngut ki riew paidbah.
Ha kane ka juh ka sngi ki shipai suin kila leit ban pynhap ruh ki jingbam haduh 15 tone da ka helicopter Mi17 V5. Kane ka jingkyrpad ban ia rap kala wan na ka kynhun shipai 33 Coprs bad kum juh na ki bor sorkar. Ka kynhun shipai suin jong ka EAC kala phah mynta ka sngi dang step ban pynlait im ia ki briew kiba sah kut ha ka jingdkut ka surok.
