Shillong, 
Nailur 18: Ka Khasi Student Union Eastern Central Area Unit bad ka Mawkynrew circle mynta ka sngi ka la leit ban jurip hi da lade ia ka surok ha shnong Mawlali ha ka thain Mawkynrew ka ba la buh jingma na ka daw ka jingtwa namar ka jingbam jong ka um ka ba mih ha ka por lyiur ka ba la bam man la ka por ha ka madan kynjatball kaba don ha katei ka surok ha ka shnong Mawlali.
Na ka liang u Samla Vincent Makriu ba dei u Executive Member ka K.S.U Central Body bad in charge ka K.S.U Eastern Central Area Unit haba ai jing kren hadien ba la dep jurip ia katei ka jaka u la ong ba hadien ba ioh ia ka jing ujor na ki paidbah kum ka seng kaba shim ia ka jingkit khlieh ia ka im lang ka sahlang ka la leit sha katei ka jaka bad ka la lap ba bun hi ki khyndew ki la twa bad ruh u la ong ba kane ka la buh jingma ia ki kali kiba iaid na katei ka surok ka ba manla ka sngi , kumjuh ruh u la iathuh ba ka seng hi shen kan sa leit biang ban ia kynduh ia ki bor ba dei peit khnang ba ka tei ka jaka kan nym wanrah ia kino kino ki jing mynsaw.
Haba ia kren bad u wei na ki nong shong shnong u la iathuh ba bun sien ki khynnah ki la ju hap ha kane ka jaka namar ka long kaba khlem ker satia bad u la ong ruh ba kane ka jaka ka buh ia ka jingma khamtam eh naka por shaka por ba wan ka lyoh kaba rben kaba kah dum iaka surok, kumjuh ruh na ka liang ki nong niah taxi ki la pynpaw ba ki tieng ban iaid na katei ka jaka tangba ym banse ba ka dei ka surok iaid kali namar ym don jaka ban iaid nawei pat.Kila pynpaw ruh ba la da wan lei sa kawei ka kali kim sngew nang shuh shano ban kynriah namar ki tieng ioh hap shapoh.
Ha ba ia kren bad u Samla Michael Lawai President ka K.S.U Mawkynrew Circle u la pynpaw ka jinglyngoh bad jingbitar ruh iaka tnat PWD(Roads) ka bym shim la treh ban shim khia ban shna iaki lad jingiada ha kane ka surok wat la bunsien na ka liang jong ka seng ka la leit ban ujor sha katei ka tnat sorkar ka ba dei peit.
Shuh shuh u ne u samla la ong ba na ka liang jong ka seng kala ujor sha katei ka tnat la jan ar snem mynshuwa, hynrei ka long ka ba sngewsih pat ba na ka liang ka tei ka tnat ka shu pynlong tang ki jingkular ban leh noh hynrei haduh mynta ym pat iohi dak ei ei, u la ong imat kin ap tad ynda la don ka jingjia ka ba sngewsih kaba lah ban shim iaka mynsiem briew.
Naka liang ka seng mynta ka kynti kala rai ba lada ka tei ka tnat trei kam jong ka sorkar kan ym shim khia ha ka shibnai ka seng kam ban se ban iaid da kawei pat ka lynti ban pynbor iaka sorkar. Ha kane ka juh hi ka sngi ki dkhot jong ka seng ki la leit ruh ban jurip iaka surok kaba don ha shnong thynroit kaba la pei thliew na ka jingtwa jong ka muri.
Ka la long kaei kaei ka ba kyndit ban iohi iaka jingleh klet jong ka sorkar, ba wat la arbnai ei ei kane ka thliew kala don hapdeng jong ka surok hynrei ka sorkar kam shem leh ei ei, ki paid nong shong shnong tang ban iada iaki nongleit nongwan naka jingmynsaw ki la thung kylla da u dieng ksheh khang ba ki paid nong leit nong wan kin tip ban kiar na katei ka jingma.
