New Delhi, Nailur 26: Mynta ka sngi ka Ri India kala pynher ia u namding ia u ba la tip “Asta BVR” ban siat na suin ha suin ia une u namding la shna hi hapoh jong ka Ri. La pyrshang ia kane ka jingsait ia u nam ding na ka lieng ia pom Su-30 na ka kad liengsuin ka Kalaikunda.
Kane ka jingpynher ia une u namding mynta ka sngi ka long ka jingpyrshang kaba khatduh shuwa ban pdiang ia u ha ka tnad shipai suin. Shuwa ban pdiang ia une u namding sha ka tnad shipai la pynher ia une u namding kumba 20 sien lynter.
Ka myntri korbar Ri ka Nirmala Sitharman kala ai ka jingiaroh ia ki shipai suin bad ia ka DRDO bad ka kynhun kiba ia don bynta ha kaba shna ia une u namding hapoh jong ka Ri bad da kane ka jinglah ban pynher ia une u namding kala kyntiew ia ka Ri India ha ki kyrdan kiba kham shajrong.
