Shillong, Lber 08: U nongialam ka liang pyrshah u Dr Mukul Sangma haba kren ha ki lad pathai khubor shuwa ban sdang ha jingiashong dorbar sha bar jong ka iing dorbar u la ong ba kum ka dak jong ka jingpyrshah ia kaei kaba u Lat ka jylla u la kren lyngba ka “Twitters” ha kaba ia dei bad ki briew jong ka Kashimir.
Ban pyrshah ia kane ka jingleh jong u Lat ka jylla Meghalaya ka seng Congress kan nym ia shim bynta ha kane ka jingkren jong u Lat hapoh ka iing dorbar mynta ka sngi, la ong u ba ka jingkren ka jong u ka lah ban wanrah ia ka jingiahshun para nognshong shnong hapoh ka Ri.
Ka jingkren jong u lat ka jylla u Tathagata Roy ha kaba u la twit, ban ong ba ymd ei ban thied ia ki mar jong ka Kashmir, lada jia ba don ka jingbethei bom ha North East hato un long ba ym dei ban thied ia ki tiar ka North East ka ei ka ban jia, ha ka jingshisha u myntri rangbah duh jong ka Ri u la dei ban weng noh ia u na ka kam kumu Lat.
U Dr Mukul u la ong ba balei ki lad pathai khubor khamtam ki National Media balei kim shym la kren ei ei halor kane, u la ong ban pyrshah ia kane kin mym treh ruh ban ia shong dur lang bad u lat ka jylla mynta ka sngi.
