Shillong, Lber 08: U Lat jong ka jylla u la dep ban ai ia ka jingmynjur ia ki Executive Member hapoh jong ka Khasi Hills Autonomous District Council bad mynta ka sngi u Chief Executive Member u Bah Teinwell Dkhar u la dep ban bate kam ia ki baroh.
Ha kane ka jingbate kam u Bah Teinwell Dkhar u la bat ha lade ia ka kam General Administration, Tnad Khlaw, kam ain,ka thungkam bad ka jingpynkynriah kam bad kiwei kiwei kiba khlem pat ai sha ki EM.
U bah Pyniaidsing Syiem, u la ioh ban bat ia ka pla tyngka jong ka KHADC bad ia ki kam pyniaid hima. U Bah Titosstarwell Chyne, u la ioh ia ka tnad Council Building,planning bad tnad Dawai kynbat. U Bah Martle Mukhin, u ioh ban bat ia tnad pynroi, ka tnad pyniathoh bad pyniakhlad kurim.
U Bah Paul Lyngdoh u la ioh ban bat ia ka tnad Khasii pateng bad tnad pule puthi. U Bah Victor Ranee u la ioh ban bat ia ka tnad lum khajna bad ia ka tnad ka koit ka khiah. U bah Teiborlang Pathaw, u la ioh ban bat ia ka tnad Enforcement bad Labour. U Bah Mitchel Wankhar u la ioh ban bat ia ka tnad Town Committee land Mines bad minerals.
Kong Macdalyn Sawkmie Mawlong kala ioh ban bat ia ka tnad Taxation bad ka tnad Information bad Technology. Bah Rangkynsai Kharbuki u la ioh ban bat ia ka tnad water resource, Art and Culture bad Youth Affair. U bah Jambor War u la ioh ban bat ia ka tnad ba peit ia ka Iew bad Ri Dohkha.
