Shillong, Jymmang 09: Mynta ka sngi na ka liang ka HYC Ribhoi District ki la leit ia kynduh ia ka Deputy Commissioner bad u Superintendent ki pulit jong ka Ri bhoi district halor ka jingshah shah thombor ka ing u Bah Micheal warjri Secretary ka Hima Nongspung.
Ka seng ka la dawa ba Ka DC bad SP ki dei ban shim khiah ia ka FIR ba la ai da ka Kong Badarilin Rani khun u Bah Micheal warjri da kaba kem lut ia baroh kiba thombor ia u Micheal bad ka ing Jong u.
Nalor kata la dawa ba Ka sorkar meghalaya ka dei ban leit pynlait noh mardor ia u Micheal warjri namar u la shah kem ha ki pulit assam namar kumno ka Assam Kan wan kem briew na meghalaya .
Kumban shu pynkynmaw u Bah Micheal warjri u la ai case ha meghalaya high court bad ka high court ka la pynsangeh ia ka jingtrei surok da ka Assam hynrei ka Assam ka la pynkhein Ia Kane . Kumta ka seng ka la dawa ba Ka DC office ka dei ban pyntip ia Kane Sha ka ingkashari badon burom .
Na ka liang ka seng ka la dawa ruh ba u SP ba u dei ban buh noh ia ka police out post ha ki thain new Balakhwa ban iada ia ki briew ha thain border, la ong u Bah John Nongrum President jong ka HYC Ri bhoi district.
