Shillong, Jymmang 28: Ka Department Mass Media jong ka St. Anthony’s College, Shillong, kan plie ïa ka jaka ban pyn-neh pynsah ïa ki dur-kren-dur-khih, na ka bynta ki paidbah, ka ban khot “The North-East India Archive”, ka ban don hapoh ka skul pdeng hi.
Ïa kane la hkyrshan kyrpang da ka Sasakawa Peace Foundation jong ka Japan. Kane ka jaka kan long kaba nyngkong eh ha kane ka thaiñ Shatei-lam-mihngi jong ka Ri India. Ka jingplie pyrda kansa long ha u bnai Risaw 2019 bad ka jingpynbit pynbiang ka dang ïaid mynta.
Ka Mass Media Department ka dang ïatrei ryngkat ruh bad ka Yamagata International Documentary Film Festival, Japan, ha ka ban lum ïa kidur-krendur-khih kiba na kane kathaiñ shatei-lam-mihngi jong ka ri India. Ka jingsdang ïa kane ka kam kala mih hadien ka jingsngewthuh ba don kam ïa kawei ka jaka ban buh bad pyn-neh pynsah ia ki dur-kren dur-khih lymkumta kin iap noh ynda lah iap ia ki nong shna jong ki.
Kata ka jaka ka lah ban long kaba ha ka doh ne kaba ha ka internet. Ha kane ka jaka yn sa don ki durkhih kidur, ki bideo interview na ka thaiñ Shatei lam mihngi bad ka thaiñ mih ngi jong ki Himalaya.
Kan long ka jaka na ka bynta ki paidbah kum ki nongbwat bniah, ki film-maker, ki historian, ki nongpule bad kumta ter ter. Na Ka bynta ki jingtip ba bniah sngewbha email neindiaarchive@anthonys.ac.in
