Shillong, Jylliew 20: Ki nongialam jong ka Hill Farmers Unino (HFU) mynta ka sngi ki la ialam ia kumba 150 nut ki nongrep na ka thain South West Khasi Hill sha ka jaka rep ia u phlang ba pynmih umphniang (lemon grass) ha Byrwa ri Bhoi District.
Ki nongrep ki la pynpaw ia ka jingkmen ban ioh leit jngoh ia kane ka jaka rep jong u bah Best Marwein bad ki la ai khublei ia ki nongialam jong ka Central body hapoh ka jingialam jongu bah Commander Shangpliang kiba la lah ban ialam ia ki sha kane ka jaka rep.
Ha kane ka sngi la ioh ia ka jingbatai na u Bah Best Marwein uba dei u trai jong katei ka jaka rep bad ki la pynpaw ba ki kwah ia u symbai ban rep sha ka thain south west khasi hills.
Na ka liang jong u Bah Commander Shangpliang President jong ka HFU u la bthah ia ki nongrep ba kin ai kyrteng ha ki nongialam jong ka HFU ha ka thain bad sa phah ia ki kyrteng kiba kwah ban rep ia une u phlang sha ki nongialam ka Central body khnang ba na ka liang jong ki kin iakren bad ka sorkar na ka bynta ban pynioh ia u symbai da kaba iakren bad ka sorkar.
Na ka liang jong u bah Shangpliang u la pynshlur ia ki nongrep ba kin rep ia une u phlang khnang ba kan long ka jingmyntoi n aka bynta jongki nongrep. la ioh ruh i aka jingkren na u bah Alfondbirth Kharsyntiew Genral Secetary jong ka HFU sengkmie uba la pynpaw ba kum ka seng kan shim jingkitkhlieh naka bynta ban iakren bad ka sorkar halor kiba bun ki jingeh jong ki nongrep.
ki nongialam jong ka HFU na south west kiba la wan lang ki kynthup ia u bah Maiantis Lynglyngkhoi, Rymphai Kharkongor, bah Ferdinand Lyngkhoi bad kiwei kiwei.
