Shillong, Naitung 09: Na ka daw jong ka jingjur palat jong u slap ha kine ki sngi lynter ha kane ka nongbah Shillong mynta ka sngi ha ka por shiteng sngi ka surok kba leit sha Malki kala twa bad ha kane ka jingtwa kam shym don kano kano ka jingjia kaba sngewsih.
Laioh jingtip ruh ba ka jingtwa khyndew kala ruh ha ka surok na lat Balat sha ban leit sha Ranikor bad kum juh ka surok ban leit na Mawkyrwat sha Ranikor la iathuh ba ki jingtwa ki long kiba rit ha kaba kam shym don kano kano ka jingsah kut ki kali ha ka liet ka wan.
Kumba ka pyntip da ka IMD ba kane ka jingslap kan dang iaid beteng haduh sngi Thohdieng na ka liang jong ki bor ba dei peit ia ka East Khasi Hill District kala bethah ia ki paidbah ba kin long kiba husiar ban lait na kino kino ki jingmynsaw.
