Shillong, Nailar 01: Ki pulit jong ka Madanriting mynta ka sngi por kynjat shai kila ioh ban kurup 300 gram u herion na Madanriting bad ki pulit kila ioh ban kem ruh ar ngut ki long kmie kiba dei na jylla Manipur.
Katkum ki khubor kiba la ioh la iathuh, ki kyrteng jong kine ki ar ngut ki long kmie ki long ka Kimboi Kongshai bad ka Venosiem kaba dei na ka jaidbynriew mar. Ia kine ki ar ngut la rah sha Sardar Police Station ban rah sha iing Bishar.
Lah ban pynkynmaw ba dang shen na ka liang jong ki pulit kila ioh ban kurup drok 500 gram na katei ka juh ka thain Madanritting. Ki briew kiba la shah kem ruh ki dei na ka jylla Manipur.
Na ka liang jong ki pulit ki kyntu ia ki paidbah ban iatrei lang ha kaba ia leh pyrshah ia kane ka jingsniew namar tang ki pulit marwei kin nym lah ban leh ei ei lada kam don ka jingiatreilang jong ki paidbah.
