Shillong, Nailar 12: Ka All India Regional Rural Bank Employees Association ka pyrshah jur ia ka jingthmu jong ka sorkar pdeng ban shah ia ki riew shimet ban thep pisa hapoh ka Regional Rural Bank ba kin long kum ki nongiadon bynta ha ki kam pyniaid ia ka Bank, la ong u S V Ready ba dei General secretary jong kane ka seng ha ka Ri India Baroh kawei.
Mynta ka sngi u la iathuh ha ki lad pathai khubor ha Shillong ba ha ka 22 tarik Nailur kin pynlong ia ka jingialang ha nongbah Delhi ban pynpaw sha ka sorkar India ba ki pyrshah ia katei ka jingthmu, ka daw jong ka jingpyrshah ka long ba lada ki ia don bynta lang ki riew shimet ha ka Board jong ki Director ka jinglong jong ki ka long tang ban ioh nong ym ban shakri ia ki paidbah.
La ong ba ha u snem 1976 haba shna ia ka ain Regional Rural Bank Act hapoh Parliament ka shna ia kane ka ain ka long na ka bynta ba kin ai ka jingshakri sha ki nongkyndong, kumba kalong mynta kila don haduh 23000 tylli ki shna ha ka Ri India baroh kawei bad ki long ba san ha ka jingbun ki nongkynshew pisa.
Ka jingdawa jong ki ka long ba ka sorkar pdeng ka dei ban pyntrei kam mardor ia ka rai jong ka iing bishar kaba ha khliehduh jong ka Ri India ba ki nongtrei ha ki RR Bank ki dei ban ioh ia ki juh ki jingmyntoi kumba long ha ki Nationalist Bank. Lada ka sorkar kam treh ban sngap ia ki jingdaw ki sdang ia ka jingiakhih ka jong ki naduh u Nailur 2019 ha duh Lber 2020.
