Shillong, Nailur 18: U Bah Constantine Lyngdoh MLA barim jong ka Nongpoh Konstitwensi u la khlad mynta ka sngi ha dien ba ka jingshitom kala bat ia u katto katne por. Ka jingleit ontep kan long ha ka 20 tarik mynta u bnai ha ka por 1.30 noh phai sngi.
U Bah Constantine Lyngdoh u la jop ia ka MLA ilekshon ha u snem 1993 na Nongpoh Konstitwensi da kaba pynrem ia u Dr DD Lapang ha katei ka por bad kane ka jia ha dien shisnem ba u Dr Lapang u la pynioh ia ka Ri Bhoi District.
Lah ban pynkynmaw ba u Bah Constantine Lyngdoh u la trei ka kam kum u nonghikai hapoh jong ka St Francis Xavier School Mawsynram shuwa ba un poi sha ka kam sain pyrthei.
