Mawtamur, Nailur 22: Ki paidbah nongshong shnong ka shnong Nongwah-Mawtamur kila pynpaw ia ka jingbitar jong ki pyrshah iala u jong u MDC u bah Victor Ranee u ba la kylla ia la ka juban ba la khlei ha u snem 2017 ha kaba u la kular ban pynih skhim ban shna ia ka jingkieng ha ka wah Umksiah kaba dei ka lynti iaid paidbah.
Haba kren ha ka jignialang ha ka sngi Saitjain ha phyllaw jong ka Lower Primary School hapoh jong katei ka shnong ha kaba baroh ki paidbah nongshong shnong kila ia don lang ha kane ka sngi ban ia shim bynta ha ka jingialang hapdeng ka shnong bad ka Joint Action Committee ka Hima Sohiong.
U bah Promin Nongrum haba kren ha kane ka jingialang, la iathuh ba ha u snem 2017 ba u wan ban plie ia ka jingrakhe ia ka jingdap 50 snem jong ka Government Lower Primary School hapoh ka shnong hynrei kaba sngewsih ka long ba shuwa ka ilekshon MLA 2018 u la ong ba ynda la dep ka ilekshon MLA un sa ai ia ka jingbit ban trei, hynrei ymda la dep ka MLA Ilekshon u ong ba um don pisa shuh.
La ong ba haba don ba pang ba shitom, la hap ban rah da ka krong bad kane ka long kumba pynjem daw ia u ba shitom, Ki paidbah kane ka shnong kila shem shitom shisha ha ka leit ka wan na ka daw jong ka jingbym don ia katei ka jingieng kiba kila hap ban bun da u dieng halor kane ka wah Umksiah.
