Shillong, Nailur 30: Namar ka jingkuman jong ka sorkar jylla ban pynbeit ia ki jingeh kiba la mih hapoh jong ka EMRI kaba la pyniaid da ka GVK ha ka jylla ki nongtrei kim lah shuh ban shu sngap ia ka jingleh bym suidniew jong ka sorkar ban weng ia ki jingkhih mynta ka sngi kila pynlong ia ka jingiakhih kaba khlem buh por da kaba leit buh lut baroh 43 tylli ki 108 Ambulance sha ka ophis kaba don ha Lawmali.
U bah Roykupar Kharraswai president jong ka Meghalaya EMRI Workers Union (MEMRIWU) u la iathuh ba kane ka jinngiakhih ka long kaba khlem buh por bad ban pynbor ia ka sorkar ba kan peit ia ka jingeh ka jong ki kaba kila dawa da kaba jia jia mynta la palat shisnem tam mynta ka sngi kila leit ban buh lut ia ki 108 Ambulance sha ophis trei kam jong ka EMRI kaba don ha Lawmali.
La ong ba kaei kaba la pynbitar ia baroh ki nongtrei jong ka EMRI ka long ba ka GVK kaba peit ia jingpyniaid ia ki 108 Ambulance ha ka jylla kam shym la burom wat ia ka High Level Committee kam burom, haba ka jingiakren ka dang iaid kala khate pynban ia ka tulop jong ki nongtrei kane kala pynbitar ia baroh 204 ngut ki nongtrei kiba don hapoh jong ka EMRI.
Baroh ki 108 Ambulance ki 43 tylli ki jaka kiba la buh ha kylleng ka jylla Meghalaya Mynta ka sngi kila wan kiew lut sha Shillong ban leit buh ia ki ha ka ophis trei kam jong ka EMRI ha Lawmali katba ia ki shabi jong ki kali pat la bat da ki nongniah jong ki 108 ambulance.
