Shillong, Risaw 24: Ki nongkyrshan jong ka party UDP mynta ka sngi kila shad da ka jingkmen namar ba u kyrtong u ba ki kyrshan u Bah Balajied Kupar Synrem u la tam ha ka jingianiew vote mynta ka sngi naduh ka sien niew kaba nyngkong.
Ha kane ka sngi la iohi ba ki nongkyrshan kin salai ban ap sha bar ka ophis jong u SDO Civil jong ka Sohra wat ha pdeng jong u slap u ba la slap baroh shi sngi naduh bas dang ha duh ban da dep ka jingniew vote.
Haba u SP News Agency u la ioh ban ia kren bad ki katto kane kiba don ha katei ka jaka kila pynpaw ba ki sngewkmen ban ioh ia ka jingjop u briew u ba kila kyrshan tyngeh ha kane ka ilekshon shiteng samoi.
Ki paidbah kiba la ia wan ban sngap ia kane ka jingniew vote kaba la long mynta ka sngi kila long na kylleng jong ka Konstitwensi bad kila pynpaw ruh ia ka jingangnud ba ka party UDP kan dang iai beteng ia ki kam kiba u Dr Donkupar Roy bam kwai ha dwar u blei u la sdang bad kiba dang sah teng.
