Shillong, Risaw 30: Ka Khasi Students’ Union (K.S.U) Upper Shillong Circle, hadien ba ka lah ioh jingtip ba ki don kumba 30 ngut eiei ki bar jylla kiba wan ban trei bylla hapoh jong ka Indian Air Force, kaba don ha 7mer Upper Shillong.
Ka Seng, ha ka step jong ka 30 tarik Risaw 2019, hapoh ka jingialam jong u President ka Upper Shillong Circle, U Samla Shngain Sohkhlet, ka la leit mar mar sha katei ka jaka ban kylli ia ki kot ki sla jong kitei ki bar jylla.Hynrei, la shem ba ym don uwei ruh uba don ia ki kot ki sla kiba biang napdeng kitei ki nongtrei bar jylla.
Hadien kumba katto katne por, ki Shipai ki la wan ban tuklar bad pynibor ban pynrung beit beit ia kitei ki nongbylla shapoh. Hynrei, na ka liang ka Seng ka la ieng pynneh bad pyntip ruh sha ki bor jong ka ain.
Kumta, na ka liang ka tnad pulit ka la shim khia ban poi ha katei ka jaka bad ban sei ruh ia kitei ki briew shabar bad pynkhreh ban pynphai biang ia ki sha ka jaka kaba ki wan. Kane ka long katkum ka kyrwoh bala phah da u Samla Daniel Kharbani Assitant general secretary KSU Upper Shillong.
