Shillong, Risaw 30: U Myntri rangbah ka jylla u Cornad K Sangma mynta ka sngi u la khot ia ka jingialang jong baroh ki seng sain pyrthei ha ka jylla ban ia kren halor ki lai tylli ki mat kiba don ha khmat jong ka jylla, ka Citizenship Amendment Bill, ka Sixth Schedule Amendment bad ka Meghalaya Residence Safety and Security Act 2016.
Haba kren ha ki lad pathai khubor ha dien ka jingialang bad ki seng sain pyrthei u Conrad u la ong ba na ka liang jong ki seng sain pyrthei kila pynpaw ia la ki jong ki jong ki jingsgnew ka jong ki bad kila ai ruh da ki jignthoh ia kaei kaba ki party ki sngew halor kitei ki mat jingiakren.
Haba ia dei bad ka CAB, u myntri rangbah u la ong ba kala shai kdar naduh ka sngi kaba nyngkong ka sorkar kala pynpaw ia ka jingpyrshah ha kaba ia dei bad ka CAB, ha katei ka por ka sorkar pdeng ka shu pass ia ka Bill khlem da kynjoh ktien ia ki jylla bad ka sa mih shibun ki jingsngewthuh bakla.
Hynrei mynta ka sorkar pdeng kala phah ia u ban lum ban lang ia ki seng sain pyrthei ban ia kren bad ki seng sain pyrthei bad ban ia phylliew jingmut, ka sorkar pdeng mynta kala sngewthuh bad ka jingkwah jong ka ka long kiwei ki bynta kiba ki briew ki pyrshah bad mynta kala kwah ban don kane ka jingiasylok bad ki briew ban sngewthuh ia ka jingmut jong ki paidbah ha kaba ia dei bad ka CAB.
Halor ka ain MRSS Act, u myntri rangbah u la ong ba kila ia kren ha kane ka jingialang mynta ka sngi bad ka jingthmu ban pynkylla ia kane ka ain ka long ban kham ai bor shuh shuh, ha kaba ym lah ban buh ha ka bui ia kiba rung ba mih sha ka jylla bad ban tip kano sngi kin shong ki sah. Ia kane hap ban leh hapoh ki kyndon jong ka Riti Synshar jong ka Ri India khlem da pynwit iano iano ha juh ka por ban iai da ia ki trai jylla.
La ong ba ki jaka rung ki jaka mih ka dei kawei na ki lad ki lynti ban iada na ka jingwan rung jong ki briew bad ha ka juh ka por ki dang don kiwei kiwei ki lad ki lynti kumno ban iada, kane ka jingeh kaba ka sorkar ka hap ban pyrkhat sani bha. Na ka liang jong ki seng sain pyrthei kila pynpaw ba ka sorkar kala ialeh ban leh ia kaba bha bad baroh ki ai ia ka jingkyrshan.
Haba ia dei bad ka jingpynkylla ia ka Sixth Schedule, baroh ki party kila pynpaw ha kaba ia dei bad ki kynhun jaidbynriew kiba khlem don nongmih khmat “Unrepresented tribes” haba ia dei bad kane ka sorkar kala batai shai bad mu myntri ba dei peit ia ka tnad District Council affair mynta ka sngi u don sha Delhi ban ia shim bynta ha ka jingialang halor kane ka phang.
