Shillong, Naiwieng 07: Sa shisien ka Hima Khyriem mynta u snem ruh kala pyndep ia ka niam ka rukom kaba la ioh pateng na ka Hima Shyllong bad ha dien ki jingleniam baroh ka pynlong sa ka shad ka kmen ia kaba la tip ha satlak ka pyrthei kum ka shad Nongkrem.
Mynta u snem ruh da ki phew hajar ngut ki paidbah na kylleng ka jylla bad kum juh na shabar ka jylla kila ia tuid sha katei ka shad nongkrem ia kaba la tip ruh kum ka shad niam hapoh jong ka Hima Khyriem kaba dang neh dang sah haduh kine ki sngi kiba mynta.
Ha kine ki ar sngi da ki spah ngut ki rang bad ki thei samla kila ia mih ban ia shim bynta da ka jingkmen ha kane ka shad ba shisien shisnem jong ka Shad Nongkrem. Ki khun syiem ruh kila ia mih ban ia shim bynta lang ha kane ka shad ka kmen ba juh long man la u snem.
Ki nongleit sakhi lang ia kane ka shad mynta ka kynti, ki long u Lat jong ka jylla u Tathagata Roy, U Chief executive Member jong ka KHADC u Bah Teinwell Dkhar bad ki Executive Member kiba la ia don lang ha kane ka sngi kut jong kane ka jingle niam ha kaba la pynkut da ka shad ka kmen.
