Shillong, Nohprah 04: Mynta ka sngi u Chief Executive Member jong ka KHADC u Bah Latiplang Kharkongor u la ai ia ka Sanad sha u Sirdar jong ka Hima Dwara Nongtyrnem u Bah Arwanphai Wanshnong ha ka jingiadon lang u MDC ka Mawsynram u bah Alvin K Sawkmie Deputy Chairman ka KHADC, ryngkat kiba ha iing ha sem.
Ha ka jingai kane ka Sanad na ka liang jong u CEM u la ai ka jngkitbok ki rywiang ia Sirdar ba pura jong ka Elaka ha dien ba u la jop ia ka ilekshon kumba la pynbeit na ka liang jong ka KHADC.
Na ka liang jong u CEM u la kyntu ia u Sirdar ba un peit ia ka it ka hima katkum ki riti dustur kiba don bad ka. La pynsngew bah ia ki kyndon trei kam baroh la don lan ha kane ka Sanad kaba la ai mynta ka sngi.
Ha kane ka sngi kila don lang ki paidbah na ka liang jong ka Hima ban ia sakhi ia kane ka jingioh Sanad jong u Sirdar ba burom jong ka Hima, ryngkat kiba ha iing ha sem jong u Sirdar kila ia don lang ban ia sakhi lang.
