Shillong, Nohprah 26: Ki nongkhaii masi beain sha Bangladesh kala jur bha ha ka sngi leh kmen Khristmas jong ka miet 24 tarik bad ka sngi 25 tarik. Ha kitei ki tarik ki BSF kila ioh ban kurup haduh 124 tylli ki masi ba thmu ban shallan sha Bangladesh.
Na ka liang jong ki shipai BSF kila ong ba kine ki masi baroh kala kit sha ka T.33 tyngka. Ki shipai BSF kila ong ba kine ki masi la wanrah na ka jylla ba marjan bad ka jylla Meghalaya, ka jylla Assam.
Na ka liang jong ki BSF kila thoh sha ki bor jong ka District Administration ba kin die lilam noh ia kine ki masi bala ioh kem khnang ba kine ki juh ki masi kin nym poi shuh sha Bangladesh na ka liang jong ki BSF kila dang pynkhlain shuh shuh ia ka jingpahara ban khang ia ki kam khaii tuh ha khappud bad ka Bangladesh.
