Shillong, kyllalyngkot 07: Ki san tylli ki seng jong ki bank bapher bapher ha ka Ri India kila khot ia ka jingsangeh trei kam ka jong ki la shai ka sngi kum ka dak jong ka jingpyrshah ia ka sorkar iaki polisi trei kam kiba long pyrshah ia ki Bank.
Ia kane k a jingiakhih kaba ki bank kin pynlong la shai ka sngi kila wah da ki poster ha ki bank bad katkum kine ki poster kaba u SP News Agency u la ioh ban shon dur ha kawei na ki bank ha kane ka nongbah Shillong ka thoh shai ban pyrshah ia ka jingleh pyrshah jong ka sorkar ia ki nongtrei.
Ki seng kiba la paw ha ka poster ki long ka AIBEA,AIBOA,BEFI,INBEF bad ka INBOC, kine ki san tylli ki seng ki khot ia kane ka jingiakhih ka long ban kyrshan ia ka jingdawa ban don ia ka jingiakynduhlang jong baroh ki nongtrei ha ka Ri.
Kiwei pat ki jingdawa ka long ban pyrshah ia ka jingpyniasoh ia shibun ki bank ha kawei ka bank, ban dawa ba dei ban leh ei ei na ka bynta ki kompeni kiba khlem siew iaka ram ka jong ki.
Nalor kitei ki jingdawa kila buh ruh ia ka kyndon ban pynthymmai ia ka bai nongtrei bad kiwei kiwei, kum juh ban khot thung kam shuh shuh haki bank.
