Shillong, Kyllalyngkot 22: Ka Dr Richa Bansod mynta ka sngi kala pyntip paidbah ba ka “Neurogen Brain and Spine Institute Mumbai” kan pynlong ia ka jingsumar ei ha kaba ia dei bad ka jabieng ha ka 15 tarik Rymphang 2020 ha Shillong.
Haba kren ha ki lad pathai khubor mynta ka sngi ha Shillong Press Club la iathuh ba kane ka kynhun kaba peit kyrpang tang ha kaba ia dei bad ka jabieng la iathuh ba kane kan long ka sien kaba nyngkong ba kin pynlong kum kane ka jingsumar ei ha Shillong bad ka North East baroh kawei.
Kala iathuh ba kumba ka long mynta na kylleng ka pyrthei ki briew kila wan ban phah sumar ha kane ka Institute kaba don ha Mumbai bad naduh ba la sdang ia ka kiba la wan phah sumar kiba ai dei bad ka jabieng ki la long palat ia ka 9000 ngut bad na Meghalaya kila long kumba 20 ngut ei ei.
Ka Dr Bansod haba jubab ia ki jingkylli ka long ba kane ka jingpang bun sien la ngeit ba ka dei ka jingleh bakla jongno re jongno, hynrei ka jingwad bniah jong ki la shem ba kam don ei ei kaba kum kata, ka daw ka long bay m shym la peit bha ha ka por ba dang kha.
La ong ba ia kane ka jingpang ha ka jabieng kan paw ha ki khynnah hadien shisnem bad kan shai bha ha dien ar snem, ka daw jong ka jingpang kumne ka long ba lada ki khunlung ki ur ha ka por ba dang rit kan ktah ia ka bor jabieng bad ia kum kine ki jingpang la ngeit bay m lah ban sumar hynrei da kane ka jinglap mynta la lah ban sumar ia ki khynnah.
