Shillong, Jylliew 04: Ka Meghalaya Medical Services Association (MMSA) mynta ka sngi ka la thoh da ka shithi sha ka sorkar Meghalaya bandawa ba ka dei ban ai jingiada ia ki doctor kiba shah byrngem ha ki lehnoh khamtam ha Garo Hills.
Ha kane ka shithi kaba la sign da u President bad Secretary jong ka seng MMSA kila ong ba kane ka jingshah byrngem jong ki doctor ha ki lehnoh ka la jia na ka por sha ka por ba dkiba pow kyrteng ki long tang khyndait eh hynrei bun ki ialeh ban buhrieh ban iada ia la ka jong ka jingim. Ia kane ka shithi la phah sha u Commissioner bad secretary jong ka sorkar Meghalaya ba deipeit ia ka tnad ka koit ka khiah, Commissioner Home bad sha u DGP jong ki pulit.
Ki Doctors bad ki nongtrei jong ka tnad ka koit ka khiah ha ki bynta bapher bpaher jong ka jylla Meghalaya kiba la shah byrngem ha ki lehnoh kala ktah ia ka jingtreikam ka jong ki bad ki katto katne ki kyrteng na kiba la shah byrngem ki long u Dr . (Mrs) V.G. Moinin, M & HO, in-charged Charlutta PHC.Dr. (Miss) Mary Margareth Moinim, Dobu PHC. Dr. P. Bezbaruah, DM & HO, East Garo Hills. Master Abhishek Hajong, son of Dr. Maloy Hajong, , Dalu CHC. Dr. Apchan A. Sangma, Mahendraganj CHC. Dr. Bandi Sangina, , Dagal PHC. Dr. Linhain Ch Sangina, DM & HO, East Garo Hills.
Bun na ki jingjia la dep ban pyntipsha ki bor pulit hynrei kam shym la don kano kano ka jingshim khia na ki bor sorkar ban ai jingiada ia ki doctor. Kum ka seng ka shim ba lada ka sorkar kam leh ei ei kim banse ban pynlong ia ka jingiakhih kaba jai jai lada ka ktah ia ka jingtrei kam jong ki kum ki doctor ruh.(SP News)
