Shillong, Jylliew 05: Ryngkat bad ka pyrthei baroh kawei ka jylla Meghalaya mynta ka sngi ka la rakhe ia kane ka sngi pynneh mariang ha kylleng ki bynta jong ka jylla. Ka phang pdeng kaba la buh ban ia puson ha kane ka sngi ka long, “ Pyrkhat, Bam, bad iada”.
Naka liang jong ka tnad khlaw ka pynlong ia kane ka jingrakhe ia kaneka sngi ha Umtyngar ryngkat ka jingiatrei lang bad ka Bharat Scout & Guide. Ha ka jingkren jong u Bah RV Lyngdoh Chief Whip jong ka sorkar u la ong ba ka jingim jong u briew baroh ka shong ha ka jingkhuid jong ka mariang.
Na ka liang jong u Bah Lyngdoh u khot u wer ia ki samla bad ia ki khynnah skul kiba long ka lawei ba ki dei ban shim ia ka jingkit khlieh ban hikai ia kiwei na ka bynta ban pynneh pynsah ia ka mairang ban ioh ka mariang kaba khuid.
Katba na ka liang jong ki shipai ia da khappud bad ka Bangladesh ki la pynlong ia ka jingrakhe ia kane ka sngi ha head quatter jong ki da kaba thung dieng bad pynlong ia ka jingai jinghikai ia ki khynnah ba kumno kin pynneh pynsah ia ka mariang.(SP News)
