Shillong, Rymphang 14: Ka sorkar Meghalaya kala pynbna ba ha ka sngi thep bot hapoh jong ka 26-Langrin MDC konstitwensi baroh ki skul bad ki ophis sorkar, kum juh ki ophis jong ka KHADC kiba hap hapoh jong katei ka jaka kin ioh shuti ha ka 28 tarik mynta u bna.
Kane ka jingai shuti ka long ba ha katei ka sngi kan don ka jingiathep bot MDC ilekshon shiteng samoi, baroh ki nongtrei kiba hap hapoh jong ka NI Act 1881 ha katei ka sngi wat la ki ioh shukti hynrei dei ban siew ia ka bai sngi jong ki, kane kan kyntup wat ia kito kiba trei sha bar jong katei ka jaka lada ki dei na katei ka jaka.
Kane ka long katkum ka jingpyntip jong u Commissioner bad secretary jong ka sorkar Meghalaya ba dei peit ia ka tnad General Administration (A) Department ha ka jingpynlait khubor mynta ka sngi.
