Shillong, Rymphang 15: Kyndit kyndit khlem poi pyrkhat katba ka jinghiran bad ka apot ka dang sa ngah ia ka jait bynriew jong ngi da ki issue bapher bapher jong ka sorkar jylla bad s
orkar pdeng,mynta pat,mih sa ar tylli ki phang kiba ktah mationg syndon plak ia ka iap ka im jong ka jait bynriew.
Katkum ka kaiphot ba la mih ha ki kot khubor,ka sorkar India ka lah ban pass noh ia ka ain khun(constitutional amendment Act 2020) kaba khang pyrshah ban ioh khun palat ia ar ngut ki khun.Kiba kha palat ia ka 2 ngut ki khun,kin duh lut khoit baroh ki jingmyntoi na ka sorkar khynthup ia u khaw ration, ka umphniang sharak,ka scheme bai bam tymmen,scheme iap lok ne phet lok,ka kam 100 sngi,ka scheme thaw ing ia kiba duk na block,khamtam eh ym shah shuh wat ban pynrung skul ia ki khun kiba kha palat na ka 2 ngut.
Kane ka jingleh ka sorkar kmie lada ka long shisha, kan ktah shibun eh ia ka jait bynriew kaba rit paid namar ka dang dei ban dang ia kha ia roi ter ter.Ka sorkar India ka kwah ban bud tynneng ia ka policy jong ka China.Wat la sha ri thor ka biang kane ka policy pynduna jingbun briew,hynrei ha ri jongngi pat donkam ba kan iaid lait shwa(excemption) kumba long ka CAA namar ngi dei ki tribal ba dang duna ha ki liang baroh (ST), lym kumta yn sa jah noh ha ki pateng ban wan kum ka jaitbynriew rit paid ba kyrpang tam ha pyrthei baiar.
Sa ka sorksr jylla pat ka kawang shi maw heh ha kaba kan sa pynduh noh ia ki kam sorkar nangne shakhmat katba ki nang thait ki nongtrei sorkar.Ia kane la iohi lyngba ka jingkren u Deputy Chief Minister lyngba ki kot khubor.Tang mynta u snem,kumba 5000/ tylli ki kam sorkar la pynduh noh bad yn nym thung thymmai shuh nangne shakhmat.
U Deputy Chief Minister jongngi u kyntu ia ki kmie ki kpa ba kin hikai biang ia ki khun ki ksiew ban leit biang sa shisien sha ka kam rep kam riang,ban ri jing ri,ban thain jingthain bad kumta ter ter kumba long biang ha ki por mynshwa lym kumta,ym donkam shuh ban khmih lynti ia ka kam sorkar nangne shakhmat. Lada kane ka jingthmu ka sorkar MDA ba la lamkhmat da ka NPP kalong kaba shisha,lehnoh ei ka jingbuh skul ki kmie ki kpa ia la ki khun ki ksiew mynta.
Katno ngut ki khun kin nang shuh kata ka kam rep ne ki kam kamai hyndai haba la hikai ia ki ba kin long kiba nang thoh bad stad pule ha ki lain jingstad kiba pher bapher.
Hato ki treh ban leit trei ia ki kam hyndai haba ki la pass ki kyrdan ba heh ba heh ha ka jingpule jong ki.Ka sorkar MDA kan hap ban pyrkhat bha ia kane namar ka ktien ba ki kren ha ka por election ka long ban ai kam ai jam shi bun shibun bad wanrah ka roi ka par bad ban pyn riewbspah-riew hajar, iabki nongshong shnong baroh.
Hynrei,ki kam jongki pat ki ia leh pynban da khongpong ia ki paidbah bapli.Kim salia namar ia lade ki lah biang lut bad kin nym rem shuh hana man la ka election.Husiar bha paidbah! lada phim kyndit bynriew noh bad phi dang pynjop biang ia kum kine ki nongsynshar kin sa bam duh syndon bad phin sa kylla kordit artad khait haduh ban shong ruh jhieh bad ban ieng ruh kynduh mawsiang.
