Shillong, Rymphang 22: U Bah Ernest Mawrie State President jong ka BJP u la ong ba ka party BJP kaba don ha ka sorkar ka kyrshan ia ka jingdawa ban pyntrei kam ia ka Inner Line Permit ha kane ka jylla Meghalaya, ka jingmih khubor mynta ka sngi ka dei ka jingkren shimet jong u Bah AL Hek.
U Bah Mawrie haba kren ha u SP News Agency u la ong “ Kum ka party ka ieng beit ban dawa ia ka ILP, kata ka jing
mih khubor ka dei ka jingsngewshimet jong u bah Hek, kum ka party hi ki don bad u paidbah, ha ka sorkar ruh ki don ar ngut ki MLA nai ong kum u minister kumba kila kyrshan ia ka rai kim don da kumwei pat”.
La iathuh ba ha ka taiew ba ar jong u bnai Lber un buh por ban ia kynduh ia ki nongialam jong ka party sha Delhi ngan kylli kein na ki ka long kumno hynrei ban shim ia ka rai kan dei na Delhi, kum ka party ki ieng beit ba dei ban ioh ia ka ILP.
Ha ka juh ka por u President jong ka BJP Meghalaya State Unit u la ong ba to iai ap shitom khyndiat, baroh shikatta la ia ap, khyndait ailad hi, kumba long ka ‘Bodo Acord” ha dien ka jingiamir jingmut, ha dien ka jingdon ki kynhun bishar bniah ki ban wan jurip ban nym ia tyngkhuh bad ka riti synshar jong ka Ri.
U bah Marwrie u la ong “Ngam pat ioh ban ia kren bad u Bah AL Hek, hynrei haba nga la shimti kum u President ha ka jylla nga don bad ki paidbah, namar ka dei ka jylla la jong nga kwah ban don kata ka jingiada na ka jingwan ki briew kiba na bar”.
U President ka BJP Meghalaya State Unit u la ong ba ka nongrim jong ka BJP ka long ba ka ieng haka nongrim ban iada ia ki riewlum kiba dei ki rit paid, leh se ka don katto katne haba ia dei bad ka ain wat la um dei u riew ain, hynrei u sngewthuh ba haba ai kano kano hap ban da peit bha ban pan ia ka jingmut ha kaba ia dei bad ka ain, la ong u bah Ernest Mawrie.
