Shillong, Lber 12: ka jingialang jong ka kabinet kaba la long mynta ka sngi kala shim ia ka rai ban buh noh da ka dor na ka bynta ban register ia ki par ban ioh ia ka “Mining Leases” na ka sorkar.
Haba kren ha ki lad pathai khubor u James K Sangma mytnri ba dei peit ia ka lat pathai khubor u la iathuh ba ka jingialang jong ka kabinet kaba la shim ia ka rai ban buh noh da ka dor sorkar ban pynsuk ia ki trai par ban ioh ia ka “Mining Lease”.
U myntri u la ong ban ioh trei par la don kam ban register ia ki par katkum ka MMCSR kaba kyntup ia ki marpoh khydnew kiba dei kiba heh bad ki barit, ka jingeh kaba ki trai par ki iakynduh jingeh ka long ba la rem palat ka bai khajna sorkar ia kaba la tip kum ka stamp duty jong
Haba ia dei bad kane ka cabinet la shim ia ka rai ban wanrah ia ka jingpynkylla ia ka Indian Stamp Act, 1899. Da jaba wanrah ia kane ka jingpynkylla ka bai register kan long, lada ia ka par la aiwai palat ia ka shisnem hynrei kiba hapoh ka shiphew snem ka bai khajna kan long shi tyngka na ka shispah tyngka.
Lada ka jingaiwai ka long palat ia ka shiphew snem hynrei kam palat ia ka arphew snem ka bai khajna kan long ar tyngka na ka shispah, lada ka jingaiwai ka long palat iaka 20 snem hynrei ka long hapoh ka 30 snem ka khajna kan long lai tyngka na ka shipsah tyngka, lada ka jingaiwai ka long 30 snem hynrei kan nym tam ia ka 50 snem ka bai khajna kan long saw tyngka.
Ka kabinet kala pdiang ruh ia ka Megjalaya Drugs Abuse prevention policy, 2020, haba ia dei bad ki briew ba wan trei nabar ka jylla ka cabinet kala pdiang ia ka Meghhalaya Identification Registration Safety and security na ka bynta ki briew kiba wan ban kylla sha kane ka jylla.
Katkum kane ka long ba ka sorkar kan ai Identity kard ia kine ki briew khnang ba kan nym don kano kano ka jingpyndik ia ki haba ki wan ban trei sha kane ka jylla bad lada jia ei ei ka ain ka lah ban ai ka jingiada ia ki.
Kawei pat kaba ka cabinet kala pdiang ka long ha kaba ia dei bad ki kali kamai ia kaba la tip kum ka Meghalaya Passengers Goods Taxation Act 1972 bad katkum kane ka long ba bun ki kali kamai kim siew thikna ia ka khajana sha ka sorkar bad lyngba kane ki kali bym siew kin ngat ha ka jingshah dain kuna.
Ka kabinet kala shim ruh ia ka rai ban wanrah ia ka jingkylla ia ka Meghalaya Residence Safety and Security Act bad da kaba wanrah ia kane ka jingpynkylla ka ordinance kaba kila tyrwa mynshuwa kala iap noh. Ka cabinet kala pdiang ruh ia ki rule ha kaba ia dei bad ki iing bishar ha ki District jong ka jylla.
