Shillong, Lber 17: U myntri ba dei peit ia ka tnad sam bam samdih u James K Sangma u la ong ba un khot ia ka jingialang jong ki Deputy Commissioner ban peit ba ki marbam mardih ha ka jylla kim dei ban duna.
Haba kren ha ki lad ptahi khubor mynta ka sngi u la ong ba ka jingkhot ia kane ka jingialang ka long ban peit ba ki nongkhaii kim dei ban set ia ki marbam mardih bad lada lap dei ban pynshitom ia kito kiba buhrieh ia ki marbam.
Haba jubab ia ki jingkylli halor ka jingdon ki marbam, na ka liang jong u mytnri u la ong ba ki paidbah kim dei ban khuslai ha kaba ia dei bad ka jingdon ki marbam namar kam don kano kano ka jingduna.
La ong ba na ka liang jong ka sorkar kan peitngor ba kan nym don kano kano ka jingshisha kabu na ki nongkhaii ha kum kane ka por, u myntri u la ban biang ba lada don kiba leh ka sorkar kan pynshitom ia ki katkum ka ain.
