Shillong, Lber 23: U Registrar jong ka skul bah North Eastern Hill University (NEHU) mynta ka sngi u la pynmih ia ki jingpynbna ba katkum ka jingbthah jong ka UGC kum ka lad jingiada na u jingpang COVID-19 bad ban don ka jingiajngai la shah ia ki nonghikai bad ia ki bym dei nonghikai ban trei na iing.
Ha kane ka jingpynbna mynta ka sngi la shah ia ki “faculty members, researcher’s non teaching staff” ba kin trei na iing haduh ka 31st Lber 2020. Ha kine ki sngi yn shim ba ki don ha jingtrei, kane kan kyntup ia kiba trei Ad-hok, kiba trei kontrak lada ka kam jong ki ka dang sah haduh ka 31st Lber 2020.
Baroh ki dkhot ba dei “faculty members, researcher’s non teaching staff” ki dei ban ai ia ki mobile number jong ki khnang ban dup lah ban phone sha ki lada don kano kano ka kam kaba kyrkieh. Baroh ki ophis kiba dei jong ka NEHU kiba dei peit ia ki kam ophis bad ia ki jaka pule kin khang ha ka 24 bad 25 tarik mynta u bnai.
Na ka bynta kito ki samla pule kiba sahkut ha hostel namar ba kim ioh tiket ban leit phai sha la ki jong ki jaka, la shah ia ki ba kin sah tang ba ki hap ban phah ia ka aplikoshon jong ki lyngba ka email lyngba u nongpeit jong ki.
Ha kane ka aplikoshon ki hap ban phah ia ka syrnot ba ki shong ki sah hapoh hostel da ka jingkit khlieh lade ia kane dei ban ai sha u nongpeit jong ki khlem da pynslem.
