Shillong, Lber 30: Ka Deputy Commissioner jong ka East Khasi Hills District kala pyntip paidbah ba la shai ka sngi kin plie ki dukan die marbam naduh ka por 9.00 baje mynstep haduh 5.00 baje jan miet, kane kan long ha sor bad ha ki shnong, ki paidbah kim dei ban khuslai ki marbam ha iiew ki biang.
Ki dukan sam khaw rashon ruh kin plie la shai ka sngi naduh ka por 9.00 baje mynstep haduh ka por 5.00 jan miet, ki dukan ban plie kin logn tang kito kiba la don kyrteng bad ka sorkar kala pynbun shuh shuh ia ki dukan bad kum juh ia ki kali ban die tiar khnang ba ki paidbah kin suk.
Kane ka jingplie kan long ruh sha baroh ki shnong kiba hap hapoh jong ka East Khasi Hills ha ka jingia peit jong ki Block Development Officer ryngkat ka jingiatrei lang jong ki dorbar shnong.
Ki dukan jhurm dukan khaw, dukan doh, dukan die jingbam baroh kin plie ha ki shnong ki shnong bad ha ki dong ki dong kumba la buh. Ki rangbah shnong da ka jingiatreilang bad ki pulit kin hap banpeit ba ka dei ban don kata ka jingiaieng jngai u wei na u wei.
La bthah ia ki paidbah ba kin bud ia kine ki kyndon baroh kumba ka bthah, ban don ka jingiaieng jngai, ym dei ban ia lum briew, Dei ban ia treilang bad ki rangbah shnong, ki bor jong ka District, ki Pulit.
Ia ki sngi ki ban dang wan yn sa sdang pyntip bad kane ka juh ka jingpynbeit kan long wat ha ki sngi ki ban wan. Ki paidbah kim dei ban khuslai ha kaba ia dei bad ki marbam mardih ka jingdin ki marbam ka biang.
