Shillong, Lber 31: Ki paidbah ka thain Umden hapoh jong ka Ri Bhoi District kiba don akount hapoh jong ka Meghalaya Rural Bank kim shym la ioh ban sei ia ka pisa namar ba u manager jong ka bank u la ong ba kiba bun ki dang don ram hapoh ka Bank.
Katkum ki khubor kiba la ioh,a la kynnoh ba kane ka bank kaba don ha katei ka jaka kala kyntait ban siew pisa sha ki briew kiba don akount khamtam eh kiba dei ki nongtrei bylla shispah sngi bad ka bai bam tynnem.
Kiba bun na kine kila la ieng lain kiba leit ban sei pisa ki dei kiba don ia ka akount jong ka bylla shipah sngi kaba dei na ka MGRENGA, hynrei kaba la pynsngewsih ia kiba bun ka long ba ka bank kan shym la ai lat ban sei namar ba ki dang sah ram hapoh jong ka Bank.
Katkum ka jingbthah jong ka sorkar pdeng ka long ba baroh ki bank kim dei ban khate ia ka ram jong ki paidbah ha kane ka por ba ka don hapdeng kane ka jinghiram, ka jingpynlait ia ka pisa sha ki akount jong ki ba ioh ia ka bai bam tynmen bad kum juh ia kiba trei bylla shispah sngi.
Haba u SP News Agency u la ia kren bad ka Deputy Commissioner jong ka Ri Bhoi District kala iathuh ba kam shym la ioh jingtip ei ei ruh em ha kaba ia dei bad kata ka jingleh jong ka Bank bad kala ong ba kan sa phah ia u BDO ban leit ban tohkit ha kane ka jingjia.Ha ka jingshisha ki Bank kim dei ban leh kumta ha kum kane ka por ha kaba ka don ka jingeh.
