Shillong, Iaiong 03: U Bah Prestone Tynsong symbut myntri rangbah ka jylla u la iathuh ba ia ki briew kiba la ioh ban bat na Mawlai mynnin ka sngi la rah ia ki sha “Isolation Centre” la dep ban test iaki kim lei lei.
La iathuh haba la kylli byrthew ia ki kila iathuh ba kila wan kiew na ki thain Umsning da ka kjat, ia ka jingwan jong ki ym lah ban tip leh se dei ba kila shem shitom ban sah sha katei ka thain, u myntri u la pynthikna ba kim dei pat kiba la wan na sha bar ka jylla ki dei kiba wan na ki thain umsning.
Haba ia dei bad ka jingsaphriang ka jingiakren jong u bah H B Nongsiej myntri ka sorkar bad u secretary shnong, na ka liang jong u symbut myntri rangbah ka jylla u la ong, ha ka jingshisha kila dei ban pyntip sha ki bor ba dei peit lane ha u BDO jong kato ka jaka.
U bah Prestone u la ong ba kane ka dei ka jingialeh politic, u Symbut myntri rangbah u la ong ba ha kum kane ka por ym dei ban ia leh politic, ka sorkar ka kyntu ba wat ialeh politic dei ban ia treilang ban ialeh pyrshah ia kane ka jinglang ba kan nym ioh rung hapoh ka jylla.
Haba ia dei bad kito kiba sah kut ha ki jaka bapher bapher naka liang jong u bah Prestone u la ong ba kim dei ban wan phai iing ki dei ban don ha ka jaka ba ki sah bad lada don kano kano ka jingeh kin pyntip sha u number u ba la dep ban buh hapoh ki ophis jong ki DC.
