Shillong, Iaiong 04: U myntri Rangbah ka jylla u Conrad K Sangma mynta ka sngi u la ai khublei kyrpang ia u Mukesh Ambani bad i aka kurim jong u ka Nita kaba kila noh syniang sha ka Meghalaya Chief Minister Relief Found shiklur tyngka.
U myntri rangbah u la ong ba ka jingnoh syniang na ki briew kiba don ia ka mynsiem kaba kylluid kan long ka jingiarap kaba khraw ha kane ka jingialeh ban khanglad ia u khniang jongpang COVID-19, ia kane u myntri rangbah u la paw lyngba ka twitter.
U myntri rangbah ka jylla u la plie ia ka MCMRF ha kaba baroh ki kiba don ia ka mynsiem ban ia noh syniang na ka bynta ban ia khun pyrshah ia kane ka jingpang COVID-19 ki lah ban thep ha ka akount kaba la dep ban pynbna. Na kane ka jylla ruh bun kiba la ia noh syniang sha kane ka MCMRF.
